انا استطيع ان اتحدث عن تجربتى وكيفية استطعت العمل ع انترنت

نصيحة لطلاب تالتة ثانوى الناس اللى ف ادبى او علمى ع حد سواء انا مهندس مدنى ومرت بكل اللى مريتوا بية دة عاوز اقولك تجربتى من اول لما دخلت الثانوى اما تخرجت من الكلية ليا ٣ سنين متخرج وهديكم اللى اتعلمتة الفترة دى لان الناس شايفة ان الفشل ف الثانوى العام نهاية الحياة مبدايا كدة انت ف مرحلة حاسس انك لوحدك ف كل حاجة كل تفكيرك تعدى من المرحلة وتطلع من السجن دة ودة اللى ناس حاسها حاليا الثانوى مش سجن ولا حاجة انت بتحس بكدة علشان خايف تخذل اهلك خايف حد يكون احسن منك خايف متدخلش الكلية اللى انت عاوزاها بصوا ى شباب متخليش اى حد يحبطك متخليش اى حد يفرض عليك راي متخليش اى حد يدخلك كلية انت مش عاوزها كل واحد فيكم جواة حلم وجواة حاجة بيحبها وقدام الحلم دة ف اهلك وف نتيجة الثانوية وف ناس مش عاوز تزعلها وف مليون حاجة قدام حلمك متخليش الحاجات دى تاثر عليك وع نفسيتك كل واحد فيكم شاطر ف حاجة وبيحب حاجة وعاوز يتعلم اكتر عن الحاجة دى بسبب تفكير بلدنا للاسف عقيم معظم الناس بتشوف طب وهندسة وصيدلية ع انهم هما بس الكليات اللى ينفع ندخلها دة خطا تماما هقولك ع تجربتى انا دخلت ثانوية عامة ذاكرت ليل مع نهار ٤٨ ساعة ف ٢٤ ساعة علشان ارضى اهلى وادخل هندسة ودخلت هندسة بس تعرفوا مكنتش عاوز ادخل هندسة من جواى علشان مش حابب الكلية نفسها كنت عاوز ادخل حسابات ومعلومات اللى اقل من هندسة بكتير بس الاهل والناس شايفين دة غلط سبت حلمى ودخلت هندسة وكنت هسقط ف اعدادى هندسة وكل سنة كنت بشيل مواد سواء خرسانة او تحليل ميكانيكا انشاءات وعدت الخمس سنين وطلعت من الكلية اللى مش بحبها دخلت ف سوق العمل واشتغلت ف كذا شركة مرتب معقول بس مش اوووى بس كنت كل يوم برجع اقعد ع النت وادور ف الاب لحد اما اخدت قرار انى ادخل مجالى اللى بحبة اللى هو البرمجة والانترنت اخدت شهرين اتعلم من اليوتيوب البرمجة من كذا مدون وابحث هنا وهنا لحد اما لقيت نفسى عندى خبرة كافية انى ممكن اشتغل دورت ع شغل ع النت وبدات اطلع فلوس قليلة بس كنت فرحان بيها اوووى ومبسوط وانا بعمل الحاجة دى ونفسى اعمل اكتر من كدة بكتير ليا اكتر من ٩ شهور سايب مجال الهندسة خالص والحمد وصلت لحاجات كتير اوووى عملت شركة صغيرة مع نفسى ودلوقتى شغلت حد تحت منى والحمد بطلع فلوس مكنتش احلم بيها وقدامى حاجات كتير اوووى لسة بعملها وكل يوم بتعلم حاجة جديدة وبطلع حاجة جديدة ف مجالى اللى بحبة الخلاصة مهما كان اللى واقف قدام حلمك متخليش حد يجبرك ع حاجة مش عاوزاها متخليش حد يحطمك ويقولك انت فاشل الثانوية مش مقياس لفشلك او نجاحك ادخل الحاجة اللى عاوزاها الحاجة اللى انت شاطر فيها هتبدع فيها وهتوصل مهما كانت صغيرة ف عيون الناس انت بس اللى عارف هتعمل بالحاجة دى اية حلمك اسعى ورا منوا ومتخليش حد يشك فيك او ياثر عليك ويخلى الكلية نهاية حياتك ابنى حياتك صح وانت هتعيش صح بالتوفيق وياريت اقدر اكون افادتكم واى استفسار انت تحت امركم