Þó að Íslendingar njóti hita og rafmagns frá endurnýjanlegum orkugjöfum telst kolefnisspor Íslendinga hátt í alþjóðlegum samanburði. Að hluta skýrist þetta vegna „innflutts kolefnisspors“ vegna framleiðslu á vöru og þjónustu sem Íslendingar kaupa erlendis frá.
Losun gróðurhúsalofttegunda á Ísland jókst um 30% á árabilinu 1990-2018. Kolefnisspor hvers Íslendings á árinu 2018 var að meðaltali 12 tonn sem er 23. mesta kolefnisspor á mann í heimi. Ísland hefur skrifað undir Parísarsáttmálann og hefur ríkisstjórnin sett það markmið að landið verði kolefnishlutlaust árið 2040. Svo Ísland nái markmiðum Parísarsamningsins til ársins 2030 þarf losun í ákveðnum geirum að dragast saman um 30 – 40% miðað við útblástur ársins 2005. Ísland tekur þátt í markmiði ESB og Noregs um 40% samdrátt í losun gróðurhúsalofttegunda fyrir árið 2030, miðað við losun ársins 1990. Sett hefur verið fram aðgerðaráætlun um hvernig Ísland muni ná þessum markmiðum. Geri Ísland ekki stórátak í minnkun á losun gróðurhúsalofttegunda stendur Ísland frammi fyrir miklum kostnaði vegna kaupa á losunarkvótum. Hversu há upphæðin verður, veltur á gangverði losunarkvóta.
Með okkar lausn getur fólk orðið meðvitað um kolefnisspor vegna einkaneyslu sinnar, séð hvernig það hefur þróast í gegnum tíðina og gripið til raunhæfra og einfaldara aðgerða til að lágmarka það með breyttri kauphegðun.
Log in or sign up for Devpost to join the conversation.